Dagný á handboltamóti að Hlíðarenda

Vaknað snemma og mætt á handboltamót klukkan 8 að Hlíðarenda.  Dagný og FH stelpurnar spiluðu við Fylki, Víking, Hauka og Selfoss; töpuðu tveim með minnsta mun og unnu svo tvo :)  Dagný skoraði mark og var svaka ánægð sem og við foreldrarnir :)  Hittum Hildigunni og Pálma, en Eydís þeirra var líka að spila.

Fórum svo í göngutúr seinnipartinn, enduðum í kaffi hjá Írisi Björns. og Marín.  Helgi og hinar stelpurnar voru á skíðum.

Þrepamót FSÍ, Kristín að keppa

Það gekk mjög vel í dag hjá Kristínu.  Liðakeppni í þrepum.  Þær vinkonurnar í Björk enduðu í 5. sæti.

Dags	Mót	Sæti	Stökk	Tvíslá	Jafnvægisslá	Gólfæfingar	Samtals
5.3.2016	Bikarmót FSÍ	35	15.100	14.050	13.967	14.243	57.351
6.2.2016	Þrepamót FSÍ	30	15.434	13.300	12.734	13.000	54.468
30.01.2016	Innanfélagsmót Björk	5	15,000	15,500	14,000	12,400	56,900

Dagur klippingar og út að borða með Sonic

Við Drífa fórum bæði í klippingu hjá Hulddísi í dag.  Mikið klippt og mikið gaman :)  Steinunn Anna kom úr 3ja daga skíðaferðalagi með FG frá Akureyri.  Mikið brettað og örugglega mikið gaman þar líka.

Teymið mitt í vinnunni; Sonic, fór út að borða á Grillmarkðnum í kvöld.  Svona í tilefni þess hvað við erum búin að vera rosalega dugleg og skemmtileg :)  Við fengum okkur smakkseðilinn.  Fullt fullt af hinum og þessum réttum.  Smakk, smakk; lundi, hrefna, þorskur, rib eye, lamb meira naut og hrossalund og svo ís og súkkulaðiköku og fleira í eftirrétt.  Bara annnnnnsi gott og mikið gaman.

Sem betur fer eru engar myndir til af viðburði þessum! He he he... sko allavegana engar birtingahæfar!