Súpa hjá Önnu Gísla

Anna Gísla, tengdó, hélt í dag afmælisboð. Hún verður áttræð 15. mars.

Sony ljósmyndakynning hjá Nýherja

Brá mér á smá ljósmyndakynningu í Nýherja þar sem nýja Sony a6300 var kynnt ásamt nýrri linsulínu; G-MASTER ...allt vooooða flott og fínt :) ...og voða voða fínt slógan: "Tomorrow's lenses today, from Sony" Ú je!  Kynnirinn var danskur og talaði á ensku.  Mér fannst sérstaklega skemmtilegt hvernig hann bar fram enska orðið "comparison" ...áherslan var ekki á 'pa' ...heldur 'ri': compaRIson :) Skrýtið og skemmtilegt :P

NLS Rotten Food Festival

Þorrablót Betware, ...eða NLS, var í haldið í dag.  Mikið af bjór og súrum mat :)  Hljómsveitin "Sjúgðann" var líka ...frekar súr!  Skemmtilegt kvöld engu að síður.

"Sjúgðann" í góðum gír.

Göngutúr í góða veðrinu

Nýttum daginn og góða veðrið og fórum í heillangan göngutúr um Hafnarfjörðinn :)

Afmæli Kalla afa pabba :)

Fórum í afmæliskaffi til pabba í dag. Vöfflur, súkkulaðikaka, kaffi :) mmm mmm mmm...

Pabbi ásamt systkynunum á Kjóa síðasta sumar.

Í hjarta Hróa Hattar ...ha haaa haaaaa aaaaaa aaaa

Í dag fórum við í leikhús, Þjóðleihús, til að sjá leikritið Í hjarta Hróa Hattar.  Jóhanna 'amma' mamma gaf okkur öllum þessa leikhúsferð í jólagjöf.  Leikritið var algerlega frábært, skemmtilegt.  Stelpurnar fengu svo mynd af sér á eftir með Sölku Sól, en hún sá um tónlist leikritsins.  Nilli fimleikaþjálfari lék í leikritinu og tók m.a. heljarstökk ofan af háum palli :P  Gói fór á kostum og 'Jóhann prins' karakterinn líka :) ...haa haaaa haaaaa haaaaa aa a aaaaaaaaaa...

Mætt í Þjóleikhúsið

Dagný Lilja, Salka Sól og Kristín Jóhanna

Tannlæknadagurinn mikli

Já, eftir að hafa frestað tannlæknatímum stelpnanna sitt á hvað og hvað eftir annað, eins og allir gera jú alltaf! Er það ekki?  Þá endaði það nú svo bara fyrir tilviljun að allar stelpurnar áttu allar tíma sama dag hjá Tannsaranum, henni Elvu.  Ferðin var nú svosem ekki í frásögur færandi, "engar holur" og solleis :) Stelpurnar, hinar yngri, fengu smá flúor á tennurnar og fannst það nú frekar "ógeðslegt" eins og þær sögðu.

Engar myndatökur voru leyfðar á tannlæknastofunni, nema af tönnum :P *djók*

Þessi mynd var ekki tekin á tannlæknastofunni! Þetta er Kristín, að borða spælegg!

Með Dagnýju á handboltamót

Í dag fórum við með Dagnýju á handboltamót í Víkinni.  FH stelpurnar spiluðu þar 4 leiki.  Þeir fóru nú ekki aaalveg eins og við hefðum viljað.  Dagný spilaði bæði í horni, skyttu og í markinu þar sem hún stóð sig svaka vel :)

Þrepamót FSÍ

Í dag fórum við á Þrepamót FSÍ þar sem Kristín Jóhanna keppti í 5. þrepi.  Við mættum í Ármannshúsið of-mikið-klædd :) Kristín og vinkonur í Björk stóðu sig mjög vel.  Kristínu gekk aftur best í stökkinu.  Á gólfi er hún ekki alveg kominn með öll moment og faær því ekki aaalveg eins hátt þar.

Dags	Mót	Sæti	Stökk	Tvíslá	Jafnvægisslá	Gólfæfingar	Samtals
6.2.2016	Þrepamót FSÍ	30	15.434	13.300	12.734	13.000	54.468
30.01.2016	Innanfélagsmót Björk	5	15,000	15,500	14,000	12,400	56,900

Hlín gefur Kristínu góðar ráðleggingar fyrir gólfæfingarnar.

Augnlæknirinn

Dagný Lilja fór í dag í í árlega augnlæknisskoðun til Elínborgar.  Í ljós kom að sjónin hefur versnað aðeins og sjónskekkjan aukist.  Elínborg sagði þó að þetta væri nú alveg ,,eðlilegt í stöðunni".  Fengum resept og annan tíma að ári.  Fengum okkur svo Subway í tilefni dagsins :)

Foreldraviðtöl ...tal

Frí í Víðó í dag vegna foreldravitala.  Vegna meiðsla sem kennari Dagnýjar varð fyrir þá verður hennar viðtal síðar.  Við Kristín hittum því hennar kennara.  Við erum nú svo heppnin að ávalt hafa stelpurnar okkar fengið afbragðs umsagnir frá kennurunum sínum og það breyttist lítið núna. Kristín stendur sig vel og yfir engu að kvarta :P

Að loknu viðtali fórum við, ásamt Dagnýju, beinustu leið á Skalla og fengum okkur ís, enda þriðjudagur og  2-fyrir-1 tilboð í gangi :)