sunnudagur, 31. janúar 2016

Bekkjarafmæli Kristínar Jóhönnu og Hrannar

Kristín Jóhanna og Hrönn vinkona buðu í dag bekkjarsystkinum sínum  í skautaafmæli í Egilshöll.

Vinkonurnar Kristín Jóhanna og Hrönn.

Það var mikið skautað, pizzan kom frá Shake&Pizza, svo var skautað enn meira og svo afmæliskaka.  Hér eru nokkrar myndir frá gleðinni :)




laugardagur, 30. janúar 2016

Innanfélagsmót í Björk

Kristín keppti í dag á innanfélagsmóti í Björk í 5. þrepi.  Henni gekk vel og best í stökki :)

Dags. Mót Sæti Stökk Tvíslá Jafnvægisslá Gólfæfingar Samtals
30.01.2016 Innanfélagsmót Björk 5 15,000 15,500 14,000 12,400 56,900



Kristín að hefja gólfæfingar
Kristín og Jada


miðvikudagur, 27. janúar 2016

Afmæliskaffi Bjarna Dags

Fórum í kvöld út á Álftanesið, Steinunn skutlaði okkur ;) Kaffi í tilefni afmælis Bjarna Dags. Steinunn skutlaðist svo alla leiðina út í Ögurhvarf, næstum því bensínlaus, til að fara á dansæfingu. Skutlaðist svo til baka í kaffi og svo heim með okkur hin í farangrinum :) Til hamingju með daginn Bjarni :)

Hér er ein síðan 2013 af okkur systkinunum í Tungnaréttum.  Siffa tók myndina :)

sunnudagur, 24. janúar 2016

Sunnudagur í sjopping...

Jebb, vöknuðum þokkalega snemma og leiðin lá beinustu leið á Strikið þar sem við þrömmuðum fram og til baka.  Duttum inn í nokkrar búðir og keyptum eitt og annað.  Fengum okkur pizzu ...og bjór ...og hittum að lokum alla hina.   Við enduðum að lokum á Det Lille Apotek, hvar við fengum okkur smörrebröd, jah.


Nú var ferð að kveldi komin og tími til að hala út á flugvöll, inn í flugvél yfir hafið og heim.


Bless Svíþjóð, bless Danmörk, halló Ísland :)

laugardagur, 23. janúar 2016

...til lauga

Já, við vöknuðum öll hress og kát ...mismunandi hress og mismunandi kát ...við glaðlegan söng Magga Kjartans:

HALLÓ! KOMIÐ ÖLL Á FÆTUR.  ÖLL Á FÆTUR NÚ :)

Við stukkum auðvitað öll á fætur og, samkvæmt svenska programmet, héldum við niður á strönd og út á lööööngu bryggju, og við gengum og gengum og gengum g gengum.

Þegar þangað var komið fórum við flest í gufu og auðvitað í SJÓSUND innanum ísjakana BRR ..og aftur í gufu og aftur í sjósund og aftur í gufu :)  Mikið var svo gott að fá bröns.  Besti bröns sem maður hefur fengið svei mér þá :) ...og bjór með...




Gengum svo til baka og svo bara beint í bussen og lesten og til Köben.  Röltum svo smá spotta á Hótel Admiral þar sem gist skildi um kvöldið.

Kvöldmaturinn á SALT; New York Strip steak ekkert minna og svo haldið út á lífið í kóngsins Köbenhavn.  Hviids Vinstue, fengum bjór þar ...

föstudagur, 22. janúar 2016

Út vil ek...

Já, við vöknuðum alveg eld...snemma, því í dag skildi haldið í Fríhöfnina í Keflavík til að fá sér bjór alveg eld...snemma um morgun :) ....já og fara svo líka til Danmerkur.  Þorrahópurinn sameinaðist svo í Fríhöfninni; Helga og Gummi og Hildigunnur og Pálmi og Íris og Helgi og Hildur Gróa og Skarphéðinn og svo Drífa og ég.

Við flugum til Köben og svo keyptum svo miða í lestina til Svíþjóðar. Á lestarpallinum þurftum við að taka upp vegabréfin því að sænskir ríkisstarfsmenn þurftu að taka myndir af þeim!  Þar  á lestarpallinum bættust Gunna og Árni í hópinn og þótti okkur nokkuð ótrúlegt að hitta þau á lestarpallinum :) Við misstum næstum andlitið þegar Svavar Sigþórsson birtist líka á lestarpallinum; leynigestur ársins :D

Við lestuðumst yfir Broen og þegar til Svíþjóðar kom völsuðu inn sænskir lögreglukarlmenn, og ein kona, til að skoða vegabréfin okkar enn betur.  Þar var ein sænsk stúlka sem vildi það ekki og var leidd úr lestinni af öllum 6 lögreglumönnunum.  Meiri sænska anarkíustelpan þessi! Allavegana...

Við enduðum að lokum í Lundi þar sem við strunsuðum á Stortorged og fengum okkur að borða ...og bjóóór. mmm mmm mmm Drífa slapp reyndar aðeins í H&M, en það var nú alltílagi.


Þegar öllu þessu var lokið tókum við leigubílinn og brunuðum til Bjarred og beint heim til Hafdísar og Sigga Torfa.

Eftir smá fegurðarblund, fegurðarbjór og fegurðarþetta og fegurðarhitt var komið að því að telja í "sænska þorrablótið" ...hvað gerðist síðar um kvöldið ... ja ...það sem gerist í Bjarred ;)




Þess má nú geta að kvöldið var hin beeeeeeeeeeeeeeeeeeeesta skemmtun  þar sem ABBA parið úr Hafnarfirði fór á kostum.  Helga na-na-aði eins og hún ætti lífið að leysa og leynigesturinn Svavar tind(e)raði eins og enginn væri morgundagurinn :)